انا منـقـــــــــطع

انا منقطع اصلى بعيد عنكم عندى امتحانات

وقال ايه انتخابات

انا نفسى افهم يعنى ايه انتخابات ولا هو فى معنى لغوى وآخر اصطلاحى

ولايمكن بيختلف معناها من دولة لتانية او جايز تكون ترجمتها عندنا غلط .

اللى يهمنا انها عبارة عن صحرا كيبرا مافيهاش غير واحة صغيرة خضرا او اللى بقى منها على الاقل والكل بيتخانق عليها ثلاث انواع الأول كلاب مسعورة لا بتستخدم طرق شرعية ولا اى حاجة فيها إنسانية .

الثانى طيور مجروحة ومع ذلك طايرة فوق فى السما لا يهمها كلاب ولا ريح ولا حتى الصحرا مش كده وبس دى كمان عاوزه تعمر الصحرا وتخليها كلها خضرا .

والثالث عاوز يبسط نفوذه وخلاص لاهوا من الكلاب المسعورة ولامن الطيور المجروحة بس هوا نفسه يكون من اهل المنطقة الخضرا وجاهه يعنى .

دا كمان انتخابات المنطقة الخضرا لسة مابداتش انا مش عارف لما هتبدا الانتخابات هيعملوا ايه مع ان الواضح انها اتسبكت على الآخر مش هايبقى فى حاجة اسمها انتخابات لا واللى الواحد المفروض يخاف منه ان شكلها كده مش هيبقا فيها منطقة خضرا اساسا وهتبقى ليلتنا كحل .

والمشكلة انك تلاقى فى الصحرا دى اعتقلات

وكمان وعيد وتهديدات

وقتل وتشريد واهانات

ولا ناسيين 2005 اللى فات

ماهم قالوا عنها برضوا انتخابات

بالمناسبة الأستاذ احمدى والمباشمهندس مجدى والحج شعبان عاشور وشويا معاهم خرجوا النهارده مبروووووووووووووووووووووووووووووك للرجالة .

الحرية للشرفاء

نعم اخوانى هؤلاء هم الشرفاء الذين لم يرضوا الدنية فى دينهم الذين تم اعتقالهم واتهامهم لا لشئ إلا لانهم هم الشرفاء.

نعم هؤلاء هم الشرفاء لان مقياس الشرف الان اصبح يعرف بمدى مايتتعرض له الشريف من تضييق واذلال.

نعم هؤلاء هم الشرفاء لان الشريف يعرف بالتضحييات التى قدموها وما قدموا قليلا .

نعم هؤلاء هم الشرفاء لانهم معتقلون بسبب تهم لا اساس لها من الصحة براتهم منها ساحة المحاكم ، ومعتقليهم فى اموال السرقات يتنعمون وفى روضات جناتهم يتريضون ولكن إلى هنا حسبكم يكفيكم اصبح الوضع هزلى اكثر مما يتصور فهذه ليست محاكمة جادة انما هى عبارة عن مسرحية هزلية مثلت امام الجميع ولم يتحرك لمرآها إلا متضرييها واصحاب الراى وطالبى الحرية لم يعى هدفها إلا ابطالها الحقيقيون خلف قضبان الحديد لكن لن نقول إلا ما يقال الفجر قادم وستنكشف الغمة وسيعلوا صوت الحق والله اكبر ولله الحمد .

وسنصيح فى وجه الباطل معلنين قولة "لا" لن نسكت لن نقف مكتوفيى الايدى لن نلجم افواهنا لن نترك لكم زمام الامور فتفسدونها اكثر من مفسدتها الحالية وليكون الله فى عوننا .

وفى النهاية نلجأ إلى ربنا فنسال الله العظيم رب العرش الكريم ان يخرجكم يا اساتذتنا من معتقلاتكم خيرا مما دخلتم كما نسأله سبحانه وتعالى انا يبرم لنا امر رشد يعز فيه الياءه ويذل فيه اعداءه ويؤمر فيه بطاعته وينهى فيه عن معصيته . اللهم آمين .

فى البداية

فى البداية قبل ما نبدا سير المدونة لازم نمجد الاسياد علشان يرضوا عنا دستور يا اسيادنا ولابلاش كلمة دستور دى علشان بتقفلهم فى الزور فلازم نغيرها ولا على ايه مافيش حاجة حاليا بتقف فى زورهم قصدى اسيادنا دا ممكن يتعدل بسهوله قوى هما شوية ورق وصناديق شفافة وعساكر وبلطجية "ودى طبعا اسهل حاجة" ونغيروا .
المهم بعد ما زفتنا الاسياد وطلبنا منهم الإبتعاد وترك البلاد للعباد اقصد الازدياد فى ضرب العباد نتكلم عن المحليات وطبعا ما فيها حد عدى ولا فات وكله اتزور طبعا من البهوات واللى هيتكلم فى معتقلات تكفى اتخنها واحد حتى لو اتشال بالترلات
نهايته لما نشوف هيوصلوا لفين واخر اللف والدوان على مين
واشفكوا بعدين